قصيدة بنت اجبرها ابوها على الزواج

من طرف بنت نجد الثلاثاء يوليو 01, 2008 7:32 am

هذي القصيده قريتها واعجبتني مررره وقلت لازم اخليكم تشاركوني بقرايتها وان شاء الله تعجبكم

اخليكم معاها

يابوي خلوني علـى كيفـي اختـار
يابوي هذا العرس مابـه غصيبـه

يابوي لاترمون قلبي علـى النـار
وتصير بكـره ياجماعـه مصيبـه

يابوي انا اللي عارفه كل الاسـرار
قلبي وانا ادري فـي دواه وطبيبـه

يابوي انا مليت من كثـر الاشـوار
والموت من شور القريـب لقريبـه

يبه .. يبه .. يامكرم الضيف والجار
ياسيـدي ياتـاج قلبـي حبيـبـه

لو شفت دمعي تالي الليـل مـدرار
النوم حاربنـي وانـا لـه حريبـه

في خاطري هم .. وهواجيس وافكار
ماجابت الورقا من النـوح اجيبـه

الله يعين الـي مـن الهـم محتـار
اعيش فـي دنيـاي مثـل الغريبـه

الحلم الاول مـات يابـوي وانهـار
ذبحت حلمي ليـه .. والله عجيبـه

يابوي زاد الهم ضاقت بـي الـدار
صارت حياتـي ياحياتـي صعيبـه

وشعاد لو في غرفتي ورد وازهـار
اشوفهـا يابـوي مثلـي كئيـبـه

ياتـاج راسـي لاتحمّلـنـي أوزار
تكفا طلبتـك .. لاتزيـد المصيبـه

لاتنسون الردود

بنت نجد

من طرف **القمر** الثلاثاء يوليو 15, 2008 11:09 am

قصيده رائعه وكلمات معبره ومحزنه

لاهنتي يالغاليه

من طرف المهند الثلاثاء أغسطس 05, 2008 1:37 am

يعطيك العافيه على القصيده الحلوه

تحياتي المهند

قصيدة بنت اجبرها ابوها على الزواج

قصيدة بنت اجبرها ابوها على الزواج

رد: قصيدة بنت اجبرها ابوها على الزواج

رد: قصيدة بنت اجبرها ابوها على الزواج